Me Yakamata Nayi A Lokaicin Da Jinin Haila Yazo Min, Wanne Irin Magani Yakamata Nayi Amfani Dashi, Domin Inganta Lafiyata?
Wannan Tambaya Ce Da Yakamata Kowacce Macce Ta San Amsarta
HAILA, al'ada, jini, mensis ko ace period duk sunayen abu guda ne. HAILA
wata abace da Allah ya tsara ga dukkan 'ya'yan Adam mata wadanda suka cimma wasu shekaru na rayuwa na fara aikin wasu sinadaren halittun jima'i dake jikinsu da ake kira (estrogen And progesterone) a dukkan lokaci lokaci.
Haila itace babbar alama dake nuna mace bata da juna biyu, sannan itace babbar alama dake nuna jikin mace shirye yake da ya dauki juna biyu inhar da zata sami Jima'i tsakaninta da namiji.
Su sinadaran Progesterone da Estrogen dama jariri na samun su tun aciki yayin da halittar mutum takai sati 12, amma basa fara aiki sai mace takai shekarun balaga.
Balaga Kän bambanta wasu tun ashekara 9 suna iya fara haila don haka balagarsu kenan, wasu a shekara 11, amma da yawa sunfi farata daga shekara 13- ko -14, saide masu raunin wadannan sinadaren wasu sukan kai har shekara 17 basu fara ba koma 19. Irinsu ne saikaga ga girma da tsayi ajika amma inka kallesu babu bambanci da jikin yara wato ba fashewar kugu babu alamun fitowar nonuwa.
Haila a mafi yawa takan zo duk bayan kwana 28 kuma Sannan yawanci kwanakin basa wuce 5, saide dake Allah yai mana halittu daban-daban wasu sukan sami tazarar kwana 30 zuwa 37 sannan su kuma yin wata hailar, kuma haka jikinsu yake ba matsala bace. Wasu kuma duk bayan kwana 21.
Wasu sukan ga haila ta dauke musu har wata 1, 2 ko 3, toh idan mai aure ce idan haka ta faru yawanci juna biyu shine abunda muke tsammani, idan ma baki da aure kuma baki da kamun kai to kema haka muna tsammanin juna biyu ne.
Toh amma idan duk anyi gwaji babu juna babu ko daya to sannan ake fara tunanin wasu abubuwan dakan jawo daukewarta kamar:
Idan mace tai fama da rashin lfy a tsakanin,
Ko in mace ta bada gudun mawar jini,
Ko macen dake shan kwayoyin bada tazara,
Ko mai shan maganin larurar hawan jini,
Ko Shan maganin ciwon suga,
Ko sakamakon hatsari,
Karancin jini
Ko samun kai a halin kunci da damuwa (depressed),
Ko sanun kai a halin tsoro da fargaba (Anxiety)
Ko in wata mutuwa me zafi ta faru cikin dangi
Duk wadannan ka iya sa mace taga hailarta batazo ba matukar ba juna biyu gareta ba.
Wasu kanyi tambaya shin yana yiwuwa mace tai haila alhalin tana da juna biyu?
Magana ta gaskiya kuma Wacce nake ni akanta shine bazai ta6a yiwuwa ba ace mace nada juna biyu kuma tana haila. Abunda ke janyo wannan jinin yawanci daga bakin mahaifa ne sakamakon Kila yawan saduwa da ita da ake hakan kasan cervix din yai rauni, wannan
tasa bamason ake saduwa da mace mai karamin ciki akai akai har zuwa watanni 4 ko kuma adalilin yagewar wani sashi na mahaifa ko hujewa kila sakamakon ko ta hau mashin ko mota tai doguwar tafiya, Ko alamar tsiron cikin mahaifa, ko kansar bakin mahaifa...
Ko kuma Kila d'an dake cikinta ne ya gicciye ba daidai ba, ko kuma
sakamakon wajen awo ansa hannu angyara Yaro ko wani abu wanda Kila daga nan jinin yaci gaba da fita. Amma gsky bazai yiwu ana goyon ciki ana haila ba saboda kwata kwata ma ayyukan hormones din sunyi hannun riga da hakan, don haka zataje aduba ta agane dalilin jinin abata magani.
Sannan ba'a cewa haila ta shiga matsala ko kuwa sa kai adamuwa harsai mace taga tai wata 6 batare da ganin hailar ba sannan zatai tunanin abunyi wanda shine muke Kira (amenorrhea) wato daukewar haila.
Amma dan tana samun tazarar wata 2, 3 zuwa 4 ko 5 wannan shi muke Kira abnormal wato (oligorrhea) tana al'ada amma ba akai akai ba, Bakuma matsala bace. Kila 1 daga cikin abubuwan dana lissafa asama ne ke faruwa
Macen da bata al'ada akai akai wannan kesa wasu aga suna fitar da gashi afuskarsu, wasu kuma gashin su ya rika zubewa naka, wasu yawan ciwon kai, wasu kuma su rika ganin ruwa in sun matsa Kän nonon su koda kuwa yan matane basu da aure.
WATA TA TAMBAYENI KAN KO ZA'A IYA SAMUN CIKI KWANA 2 KAFIN AL'ADA SANNAN YA ALAMUNSA
Ai inde anga haila toh babu zancen ana da ciki. Sannan bako yaushe ciki ke shiga ba. Yawanci macen dake kwana 28 kafin haila ta zagayo kwanakin daukar cikinta kan kasance kwanaki 11, 12, 13, 14 koma 15 bayan daukewar waccan hailar ta baya.
SHAWARWARI AKAN YADDA ZAKU KULA DA KANKU
Sau da dama a lokacin jinin al’ada mata kan shiga halin tasku, inda wadansunsu kan kaurace wa shiga cikin mutane, wanda kuma ke takura
wa rayuwarsu har su samu kansu kamar an sanya musu takunkumi. Tunda a zahiri musamman haila a lokacin zafi har canjin smelling ajika mace na fuskanta kuma kota sa turare wata bata yadda da kanta ta saki jiki.
Hakan ne ya sanya zan yi muku bayanin yadda zaki lura da kanki a lokacin jinin al’ada har ki samu sakewa da kuma walawa.
1]. KWANTAR DA HANKALI
Ki nutsu ba'a so ki tayar da hankalinki don kin fara ganin jinin al’adarki, hakan
zai sanya mata yan uwanki ko mahaifiya har su fahimci halin da kike ciki. Don haka ki kwantar da hankalinki
kamar babu wani abu da yake faruwa dake. Ki dauka kamar kowa kike babu kuma wanda zai gane komi
2]. Ki kasance dauke da ‘Pad’ ko ‘Tampon’ a kowane lokaci don gujewa jin kunya tunda wasu jinin na fita da yawa.
3]. CANZA ‘PAD’
Ya kamata ki rika canza ‘pad’ ko ‘tampon’ duk bayan awa 4 zuwa 8, idan kuma jinin yana zuba sosai sai ki rika canzawa lokaci zuwa lokaci koda awa bi biyune, domin
lokacin da jinin ya gama jiqa ‘pad’ ko ‘tampon’ din. Barin ‘pad’ ko ‘tampon’ ya dade zai sanya samuwar kwayoyin cutar bakteriya musamman wacce muke kira STAPH AUREUS, domin jini ba karamin daula ke zame musu ba wajen rayuwa wanda hakan kuma zai haifar miki da matsala ta kwayoyin cuta acikin jini da guiwoyi wato SEPSIS. Wanda inba a dau mataki ba mutuwa ma na iya faruwa musamman mace me karancin tsafta.
Shyasa nake kira ga yayye maza kuke taimakon kannenku mata da kudin pads duk wata kudena barinsu da roke roken samari, wasu ma saboda babu saide su nemi soson katifa ko dan kwali su kunzugu kunga bai dace ba... don haka ku taimaka musu.
4]. LURA DA KAI
Daga lokacin da akace an fara al’ada, tsabtace kai na da matukar wahalar gaske. Musamman lokacin zafi, daga an yi gumi sai a fara wari mai tayar da zuciya, har mutane su rika kyamar wacce ke jinin al’ada.
Don gujewa hakan sai ki rika wanka lokaci zuwa lokaci, hade da shafa turare mai tafiyar da wari (deodorant), sannan ya kamata ki goge bakinki sau biyu ko uku a rana domin hakan zai magance miki warin bakin dake fitowa daga baki lokacin jinin al’ada. Bayan haka ki rika cin cingam mai kamshi, ko tsotsar minti ko cin cakulat.
5]. LURA DA KURAJE
Wadansu matan idan za su fara ko kuma sun fara jinin al’ada kurajen kan fito musu, to idan kina daya daga cikin wadannan matan, idan kurajen sun
fito miki, kada ki fasa su, ko kuma ki rika taba su. Abin da za ki yi shine, ki rika wanke fuskarki sau biyu ko uku a rana. Ko kuma ki wanke
fuskarki daga zarar kin fara gumi idan lokacin zafi ne.
6]. LOKACIN AL'ADA
Yawancin kwanakin al’ada basa wuce 3 zuwa 7. Duk lokacin da jinin al’ada yazo miki to zaki samu na gaba yazo a wani lokaci daban, duk
da cewa wadansu kan samu tazarar kwana 28 ko 35 kafin wani jinin yazo
musu. Don haka ina baki shawara ki ajiye karamar kalanda a dakinki ko ki saita kalandar cikin wayarki. Hakan zai ba ki damar fahimtar lokutan al’adarki, kuma zai ba ki damar lura da kanki ba tare da wani ya gane
ba.
7. JIN ZAFI
Baban abunda ke jawo ciwon mara a yan mata rashin saduwa da basa samu, toh amma in na hade batun gaba daya dana masu auren Lokutan al’ada kanzo da ciwon ciki, ciwon kai ko murdawar mara, hakan na faruwa ne sakamakon matso jinin da mahaifa keyi wato uterus contraction, hakan kan sanya takura.
hanyar da zaki rage hakan shine ki rika motsa jikinki, misali ki rika kai ziyara ga ‘yan uwa da abokan arziki, shan tea me citta sosai,
Sannan magunguna irinsu paracetamol, diclofenac ko mist pot Cit na ruwa na taimakawa wajen tafi da zogin amma de atabbatar ana amfani dasu bisa ka'ida.
Amma idan ciwon cikin, ko kai, ko kuma murdawar marar ta tsananta sai ki nemi
likita.
Sannan akarshe ga masu fuskantar heavy bleeding wato jinin ya rika fita da yawa gaskya inde ko yaushe haka kike to ki daure kiga likita mafi yawa karin cikin mahaifa Kän jawo haka wato fibroids.
Allah sa mu Gama lfy, ya kara muna lfy amin
Post a Comment